पोर्चुगल । पोर्चुगलका २० प्रतिशत श्रमिकले घरबाटै काम गर्ने गरेको पाइएको छ । सधैँ कार्यालय आउनु पर्ने वाध्यता नभए पछि काममा उनीहरुको काममा प्रभावकारीता आएको पाइएको छ । आइटी, सेवा क्षेत्र तथा कामका क्षेत्रमा उनीहरुले घरबाटै काम गर्न पाएका हुन् ।
घरबाटै काम गर्न पाउँदा उनीहरू खुसी देखिएका छन् । व्यावसायिक र व्यक्तिगत जीवनलाई मिलाउन सकेका छन् । रोजगारदाताले उच्च लचिलोपन देखाउँदा श्रमिकबाट लाभ लिन सकेका हुन् ।
दोस्रो त्रैमासिकमा घरमा कुनै न कुनै बिन्दुमा काम गरेका ९ लाख बढी मानिसहरूमध्ये २ लाख ३२ हजाार ९ सयले कार्य समय तालिका बाहिर काम गरेको पाइएको थियो ।
कुल रोजगारी जनसंख्याको १८.३ प्रतिशत अर्थात ४ लाख ९ हजार ७९ जना मानिस टाढाको काम गर्ने गरेको पाइएको छ । जसले गर्दा बाटोमै घण्टौं समय लाग्ने गरेको छ
कार्यालयको काम र रिमोटलाई मिलाउने प्रणालीमा नियमित रूपमा समयनिष्ठ भएर काम गरेका छन् । पहिलो त्रैमासिकको तुलनामा कार्यालय र टाढाको कामलाई मिसाउनेहरू मध्ये २.८ प्रतिशतको वृद्धि दर्ता गरिएको थियो ।
टेलिवर्कमा काम गर्ने व्यक्तिहरूको संख्या अर्थात (घरबाट भूमिकाहरू पूरा गर्न आईटी प्रयोग गरेर, आईएनईको परिभाषा अनुसार ( पनि अघिल्लो त्रैमासिकको तुलनामा कुल रोजगारीको १८.३ प्रतिशतले वृद्धि भएको छ ।
भाडाको खर्च कटौती गर्न र अफिस स्पेस कम गर्न शहरका केन्द्रहरूबाट कम्पनीहरू गाउँसम्म पुगेका छन् । यसले यात्राको समय र लागत जोगिएको छ । यसले कतिपय कामदारको दृष्टिकोणलाई पनि फाइदा पु¥याएको छ ।
उच्च शिक्षा भएको पोर्चुगिसहरु लिस्बन वा पोर्टो महानगरीय क्षेत्रहरूमा बस्ने बढी छन् । टेलिवर्कले इभोरा, कास्टेलो ब्रान्को, कोभिल्हा र द्वीपसमूह जस्ता नयाँ कार्य केन्द्रमा पनि पछिल्लो समयमा काम गर्नेहरु बढी रहेका छन् ।
दोस्रो त्रैमासिकमा दर्ता भएका ९ लाख मध्ये ४ लाख लिस्बनमा बस्थे । पछिल्लो समयमा नयाँ शहरमा पनि रोजगारीका अवसर वृद्धि भएको पोर्चुगलका अधिकारीहरु बताउँछन् ।
