पोर्चुगल । पोर्चुगलले सवारी चालक अनुमति पत्र नवीकरण गर्दा परीक्षा दिनु नपर्ने नियम ल्याएको छ ।
सन् २००८ जनवरी १ अघि जारी गरिएका ड्राइभिङ सवारी चालकले कुनै पनि परीक्षा नदिई चालक अनुमतिपत्र नवीकरण गर्न पाउने छन् ।
इसिओको प्रतिवेदन अनुसार सरकारले ड्राइभिङ लाइसेन्सको नवीकरणका सहजता ल्याउन अनुमति दिएको हो ।
यस्तो नियमले नवीकरण गर्न छुटेकालाई सहज हुने छ । पोर्चुगल सरकारको मन्त्रिपरिषद् बैठकले ड्राइभिङ लाइसेन्सको पुनः प्रमाणीकरणका लागि सहज व्यवस्था लागू गर्ने कानुन ल्याएको हो ।
अब एम, एवन, एटु, ए, बिवन, बिई र एग्रिकल्चर क्षेत्रका चालकको अनुमतिपत्र सहजै नवीकरण हुने छ ।
सन् २००८ अघि नेपाली लगायत सबै मुलुकका आप्रवासीहरुले पनि यहाँको चालक अनुमति पत्र पाएको भए नवीकरण गर्न पाउने छन् ।
