लिस्बन । पोर्चुगलका विभिन्न क्षेत्रमा आगलागी भएको छ । केही दिनअघि भएको आगलागी अझै पूर्णरुपमा नियन्त्रणमा आउन सकेको छैन ।
पोर्चुगिज इन्स्टिच्युट अफ द सी एन्ड एटमोस्फियर (आपिएमए) का अनुसार आन्तरिक उत्तर र केन्द्र र बेजा र फारो जिल्लाका १२० भन्दा बढी नगरपालिकाहरू आगलागीको उच्च जोखिममा छन् ।
आगामी दिनको मौसम पूर्वानुमानलाई ध्यानमा राख्दै सरकारले ग्रामीण क्षेत्रमा आगलागीको उच्च जोखिमलाई मध्यनजर गर्दै सतर्कताको अवस्था घोषणा गर्ने विचार गरिरहेको नागरिक सुरक्षा राज्य अधिकारीले बताएका छन् ।
आगोसँग लड्नका लागि साधनहरू बलियो बनाएको छ । ओडेमिरामा आगोको लागि नौ हवाई साधनहरू र ओरेममा पाँचवटा हवाइ साधान तैनाथ गरिएको छ ।
यहाँका अधिकारीहरुले विभिन्न उपाय अपनाएर आगो नियन्त्रणमा लिइरहेका छन् ।
राष्ट्रिय आपतकालीन र नागरिक सुरक्षा प्राधिकरण (एएनईपीसी) का कमाण्डर जोसे मिरान्डाले आगो नियन्त्रण गर्न कुनै पनि कसर बाँकी नराखेको जानकारी दिएका छन् । आगो नियन्त्रण गर्न बनाइएको योजनामा कुनै फेरबदल हुन सकेको छैन ।
बेजा जिल्लाको ओडेमिरामा शनिबार भएको आगलागीले ओडेमिरा नगरपालिकाका चार स्थानहरू असर गरेको छ । भेल डोस अल्होस, भाले डे अगुवा, चोका डोस भालेस र रेल्भा ग्रान्डेमा आगालागी भएको हो ।
त्यस्तै आगोका कारण वरीपरीका ग्रामीण पर्यटन इकाईलाई खाली गर्न बाध्य पारेको छ। यस क्षेत्रका सय घरधुरीहरु ऋागोबाट बच्न बाहिर निस्केका छन् ।
नगरपालिका आपतकालीन र नागरिक सुरक्षा योजनाको सक्रियता निर्धारण गरिएको अधिकारीहरुले सामाजिक सञ्जालमार्फत जानकारी दिएका छन् ।
एएनईपीसीले दिएको जानकारी अनुसार आज बिहान ८ बजेर ५५ मिनेटमा ५ सय ७३ सञ्चालक, २०५ सवारी साधनको सहयोगमा आगो नियान्त्रण गरिएको थियो । आगलागीमा अब नौवटा हवाई सवारी परिचालन गरिएको छ ।
ओरेममा, सान्तारेम जिल्लामा, आइतबारको आगो नियन्त्रण गर्न हरप्रयास गरिएको छ । आगो नियन्त्रण गर्न थप पाँच वायु साधान थप्न लागिएको छ ।
भिसेउ जिल्लाको मङ्गुल्डेमा आज बिहानै लागेको आगो लागेको थियो । कमाण्डर जोसे मिरान्डाले हवाई माध्यमबाट नियन्त्रण गर्ने प्रयास गरिएको बताए ।
