इस्लामाबाद । पाकिस्तानको राजनीतिक भेलामा बम विस्फोट हुँदा ३५ जनाको मृत्यु भएको छ ।
उत्तरपश्चिमी क्षेत्रमा रहेको एक कट्टरपन्थी इस्लामिक जमीयत उलेमा ए इस्लाम (एफ) पार्टीको राजनीतिक भेलामा बम विस्फोट भएको हो ।
दुई सयभन्दा बढी घाइते भएको अन्तर्राष्ट्रिय सञ्चारमाध्यमहरूले जनाएका छन्। घटनामा मृतक संख्या अझै बढ्नसक्ने जनाइएको छ ।
पार्टीका एक वरिष्ठ नेताले समारोहलाई सम्बोधन गर्ने कार्यक्रम तय भएको थियो । तर, उक्त नेता आउनु अघि नै बम विस्फोट भएको थियो।
भारतीय समाचार संस्था एएनआईका अनुसार उक्त घटनामा उक्त पार्टीको स्थानीय एक नेताको पनि मृत्यु भएको छ। सरकारले आक्रमणमा संलग्न व्यक्ति र समूहबारे गहन अनुसन्धान सुरू गरिसकेको जनाइएको छ ।
अफगानिस्तानसँग सीमा जोडिएको खार शहरमा यसै वर्षको अन्त्यमा हुन निर्वाचन हुँदै छ । त्यसअघि हुन लागेको जमीयत उलेमा(ए(इस्लाम (एफ) पार्टीको अधिवेशनलाई लक्षित गरी विस्फोट गराइएको अनुमान प्रहरीको प्रारम्भिक अध्ययनबाट देखिएको छ।
