काठमाडौं । वैदेशिक रोजगारीमा जान नपाएका युवाहरुले अध्यागमन विभागमा आइतबार प्रदर्शन गरेका छन् । विभागले विभिन्न बाहानामा विदेश जान रोकेपछि उनीहरु आन्दोलित भएका हुन् । भिषा, टिकट हुँदा पनि विभागले रोकेको उनीहरुको दावी छ ।
त्रिभुवन अन्तराष्ट्रिय विमानस्थलको अध्यागन कार्यालयले केही दिनयता ‘शंकास्पद’ भन्दै विदेश जान ठिक्क परेका युवाहरुलाई रोकेको थियो । पुनः टिकट बनाएर जान खोज्दा पनि विभागले रोकेपछि युवाहरु आक्रोशित भएका हुन् ।
विदेश जान नपाएका युवाहरुको आन्दोलनमा वैदेशिक रोजगार संघले पनि समर्थन जनाएको छ । संघका पदाधिकारी पनि आन्दोलनमा देखिएका थिए । श्रम स्वीकृति, टिकट हुँदा पनि अध्यागमनले रोकेर दुःख दिएको उनीहरुको गुनासो छ ।
