काठमाडौं । स्वदेशमा उत्पादन बढ्न नसक्दा नेपालको व्यापारघाटा दिनानुदिन बढ्दै गइरहेको छ । स्वदेशमै प्रशस्त संभावना भएका वस्तु तथा सेवा पनि आयात गर्दा नेपालको रकम खर्बाै बाहिरिएको छ ।
सरकार तथा निजी क्षेत्रले उत्पादनको विकल्प नखोज्दा व्यापाराघाटा दिनानुदिन बढ्दै गएको छ । नेपालले प्राप्त गर्ने रेमिट्यान्सको मुख्य अंश वस्तु तथा सेवा खरिदमै खर्च हुने गरेको छ ।
भन्सार विभागको तथ्यांकअनुसार चालु आर्थिक वर्ष २०८०/०८१ को जेठ मसान्तसम्म व्यापारघाटा १३ खर्ब १४ अर्ब ४४ करोड १८ लाख रुपैयाँ पुगेको छ।
जेठसम्म १४ खर्ब ८० अर्बको आयात भएको छ । १ खर्ब ३९ अर्बको निर्यात भएको छ ।
पेट्रोलियम पदार्थ, फलाम, मेसिनरी तथा विद्युतीय उपकरण, सवारीसाधन खरिदमा खर्बाै पैसा बाहिरिएको छ ।
यस्ता वस्तु उत्पादनमा सरकारको ध्यान नजाँदा आयातका लागि डलर खर्चिनुपरेको छ । स्वदेशमै उत्पादन संभावना भएका र उत्पादन भइरहेका वस्तु उत्पादन हुन नसक्दा बाहिरबाट सामान आउन थालेको छ । पूर्ण क्षमतामा उत्पादन नहुँदा विदेशबाट सामान आउन थालेको हो ।
