काठमाडौं । रुस र युक्रेनमा नेपाली जान नपाउने भएका छन् । युद्धरत रुस र युक्रेन जान नेपालीहरुलाई सरकारले श्रम स्वीकृति नदिने निर्णय गरेको छ ।
श्रम तथा रोजगार मन्त्रालयले शुक्रबार सूचना निकालेर ती देशका लागि श्रम स्वीकृति वा पुनः श्रम स्वीकृति नदिने निर्णय गरेको हो ।
युद्धरत देशको सेनामा सहभागी हुनसक्ने भयका कारणले सरकारले त्यहाँ जान रोकेको हो । द्धन्द्धबाट सृजना हुनसक्ने मानवीय जोमिखलाई हेरेर सरकारले त्यहाँ पठाउन बन्देज लगाएको हो ।
अब अर्को व्यवस्था नभएसम्म रुस र युक्रेन जाने नेपाली कामदारलाई पुनः श्रम स्वीकृति, व्यक्तिगत तथा संस्थागत श्रम स्वीकृति स्थगत गर्ने निर्णय गरिएको मन्त्रालयले जारी गरेको सूचनामा उल्लेख छ ।
