पोर्चुगल । पोर्चुगलको कृषि भिसामा पठाउने भन्दै मानव बेचबिखन तथा तस्करी हुने गरेको पाइइको छ ।
एसियन मुलुकका आप्रवासीहरु कृषि फर्ममा काममा लैजाने भन्दै भन्दै मनव तस्करीको फन्दामा परेका हुन् ।
प्रहरीका अनुसार लिस्बन नजिकै पोर्तुगाली गोदाममा सयौं मानव तस्करी पीडितहरू फेला परेका छन् ।
पोर्चुगलको समुद्री पुलिसका अनुसार दुई नाकामध्ये एउटामा सयौं मानव बेचबिखनका पीडितहरू फेला परेका छन् । मानव बेचबिखन र तस्करमा पर्ने धेरैजसो दक्षिणपूर्व एशियाका आप्रवासीहरू हुन् ।
पुलिसले मंगलबार पोर्चुगलको दक्षिणी एलेन्तेजो क्षेत्रका फार्महरूमा छापा मारेर मानव बेचबिखन र श्रम शोषणको आशंकामा २८ जनालाई पक्राउ गरेको प्रहरीले जनाएको छ ।
रोमानिया, मोल्डोभा, युक्रेन, भारत, सेनेगल र पाकिस्तान लगायतका देशका आप्रवासीहरूलाई खेतबारीमा काम दिने प्रलोभनमा पोर्चुगलमा ल्याई शोषण गर्ने गरिएको प्रहरीले जनाएको छ ।
पुलिसले अनुसन्धान गरी पीडितहरुको पहिचान गरेको हो ।
पक्राउ पर्नेमा पोर्चुगलका नागरिक र विदेशी हुन् ।
मानव बेचबिखन, आपराधिक सङ्गठन, गैरकानूनी अध्यागमनलाई सहयोग गर्ने, अवैध श्रम भर्ती जबरजस्ती असुली, मनी लान्ड्रिंग र अन्य अपराधहरू लगायतका अपराधमा संलग्न रहेको आशंका प्रहरीले गरेको छ ।
बुधबार अदालतमा सोधपुछका लागि हाजिर गराइएको छ । श्रम शोषणका घटनाहरू अत्याधिक भएको पाइएको छ । गरिब आप्रवासीहरू बेतलबी काममा फसेका छन् ।
पोर्चुगलमा कृषिमा काममा लगाउने भनदै मानव बेचबिखन बढेको छ । एक पटक काममा राखेपछि, तिनीहरूका कागजातहरू प्रायः जफत गरिएको र पारिश्रमिक पनि नदिइएको जनाइएको छ ।
धेरैलाई थोरै वा कुनै सुविधा नभएका आदिम आवासहरूमा हुलेर राखिएको छ ।
काउन्सिल अफ युरोपको रिपोर्ट अनुसार पोर्चुगल अधिकारीहरूले २०१६ देखि २०२० मा बेचबिखनका १ हजार १ सय ५२ जना पीडितको पहिचान गरेको हो । अनुसन्धान, अभियोजन र सजायको संख्या भने निकै कम छ ।
