लिस्बनमा आयोजित International Club of Portugal को एक बहस कार्यक्रममा बोल्दै उनले भनिन्, “सबैभन्दा पहिले बच्चाहरूबाट मोबाइल हटाउनुपर्छ, र यो काम सामूहिक रूपमा मात्र सम्भव छ। १६ वर्षसम्म मोबाइल नदिने व्यवस्था गर्नुपर्छ।”
उनका अनुसार मोबाइल फोनले बालबालिकामा “कल्पना गर्न नसकिने विषाक्त असर” पारिरहेको छ। विशेष गरी सिक्ने, बढ्ने र मस्तिष्क विकासको चरणमा रहेका बालबालिकाका लागि मोबाइल अत्यन्त हानिकारक हुनसक्ने उनले चेतावनी दिइन्।
Clara Almeida Santos ले विगतमा चुरोटलाई समेत स्वास्थ्यका लागि राम्रो भनेर प्रचार गरिएको उदाहरण दिँदै अहिले मोबाइलको असरलाई पनि भविष्यमा त्यस्तै रूपमा बुझिने विश्वास व्यक्त गरिन्। उनले भनिन्, “म आशा गर्छु, छिट्टै यस्तो समय आउनेछ जब सबैले बुझ्नेछन् कि यो वास्तवमै विषाक्त छ र यसले हानि पुर्याउँछ।”
उनको यो अभिव्यक्तिले अहिले सामाजिक सञ्जाल, डिजिटल लत, बालबालिकाको मानसिक स्वास्थ्य तथा शिक्षा क्षेत्रमा मोबाइलको प्रभावबारे पोर्तुगलमा नयाँ बहस सुरु गराएको छ
