लिस्बन । युरोपको दक्षिणतर्फ रहेको पोर्चुगललाई आप्रवासी फापेको छ । आप्रवासी भित्र्याउने सहज नीति लिएर पोर्चुगलले आर्थिक विकासका लागि अवसर खोलेको हो ।
पोर्चुगलको जनसंख्या एक करोड केही बढी मात्र छ । त्यसमध्ये १० प्रतिशत विदेशी छन् । सन् २०२२ को तथ्यांक अनुसार ७ लाख ८१ हजार ९ सय १५ जना विदेशी थिए ।
नेपालभन्दा पोर्चुगल सानो हो । यहाँ ९२ हजार २ सय १२ वर्गकिलोमिटर मात्र छ । तर, यहाँको आर्थिक संमृद्धि विस्तार आक्रमक छ । आप्रवासी नीतिमा सहजीकरण गरेका कारण ने पोर्चुगल चम्किन सफल भएको हो ।
आप्रवासीहरुको बढ्दो संख्याले पोर्चुगलले आर्थिक, सामाजिक क्षेत्रमा फड्को मारेको छ । विगत सात वर्षदेखि विदेशी यहाँको नागरिक बन्ने क्रम निरन्तर बढ्दै गएको छ ।
खुकुलो आप्रवासी नीतिले यहाँको अर्थव्यवस्था र श्रमबजारमा टेवा पुगेको छ । प्रायजसो दक्ष आप्रवासी आउने भएकाले श्रमिकको अभाव पुर्ती हुँदै आएको छ । आप्रवासीको चाप बढ्दै गएकाले रोजगारदाताले छनोट गर्ने अवसर पनि पाएका छन् ।
ज्ञान, सीप र क्षमता, दक्षता भएका कोही आप्रवासी यहाँ बेरोजगार बस्नुपर्ने अवस्था छैन । श्रमिकको सहज उपलब्धताले उत्पादकत्व बढाएको छ । प्रतिस्पर्धा पनि जन्मिएको छ ।
समग्रममा आप्रवासी नीतिले पोर्चुगलको आर्थिक वृद्धि र विकासमा मद्धत पुगेको छ । यहाँका व्यवसायीहरु आप्रवासी नीतिका कारण लाभान्वित भएका छन् ।
पोर्चुगलले आप्रवासीबाट ३३ प्रतिशत राजस्व उठाउँछ । उपभोक्ता खर्चबाट पनि कर संकलन गर्छ । आयकर, सामाजिक सुरक्षा योगदान र अन्य अप्रत्यक्ष कर मार्फत पोर्चुगललाई आप्रवासीले योगदान पु¥याइरहेका छन् ।
यसबाट देशले सार्वजनिक सेवा र पूर्वाधारमा लगानी गर्न सजिलो भएको छ । यसबाट सरकारको क्षमता बढेको छ । यहाँ बस्ने सबैको जीवनस्तर बढाउन मद्धत पुगेको छ । विदेशी यहाँ आउँदा उपभोक्ता खर्च बढ्छ । खुर्दा, पर्यटन, व्यापार, आतिथ्यमा खर्च हुँदा अर्थतन्त्रमा राम्रो प्रभाव परको छ ।
विदेशीले विस्तार घरजग्गा क्षेत्रमा पनि लगानी गर्न थालेका छन् । खासगरी यहाँको नागरिकता लिइसकेकाहरु घरजग्गासँग जोडिन्छन् । घर, अपार्टमेन्ट भाडामा लिने अथवा सम्पत्ति आफ्नै नाममा गराउने क्रम पनि बढ्दै गएको छ । यसले अर्थतन्त्र चलायमान हुन सघाउ पुगेको छ ।
नेपाली, चाइनिज, इन्डियन, बंगालीहरुले यहाँ व्यवसाय विस्तारमा जोड दिइरहेका छन् । यहाँको लगानीमैत्री नीतिका कारण पनि विदेशीहरु यहाँ उद्यम, व्यवसाय गर्न आकर्षित हुन्छन् ।
यसबाट रोजगारी सिर्जना हुनुका साथै नवप्रर्वतन हुने, अर्थतन्त्र चलायमान हुने समग्रमा देशले दीर्घकालीन फाइदा लिने भएकाले पोर्चुगल आप्रवासन नीति खुकुलो बनाएको हो ।
प्र्रत्यक्ष श्रमिक लिने नीति पोर्चुगलको नभए पनि यहाँ कुनै माध्यमबाट आइपुगेका आप्रवासीलाई सहज कागजी व्यवस्था गरिदिएको छ ।
