डेनमार्क । डेनमार्कमा विदेशी नागरिकले थोरै तलव पाउने गरेका छन् । डेनमार्कका नागरिक भन्दा विदेशीले न्यून मूल्यमै काम गर्न वाध्य भएका हुन् ।
डेनमार्कको श्रम आन्दोलनको आर्थिक नीति संस्थानले गरेको एक अध्ययनले डेनमार्कमा सबैभन्दा कम पारिश्रमिकमा विदेशी नागरिकरले काम गरिरहेका छन् ।
कृषि, यातायात, सरसफाई, होटल र रेष्टुरेन्ट र निर्माण क्षेत्रमा अध्ययन गरिएको थियो । सबैभन्दा बढी तलब पाउने २० प्रतिशत कामदारमध्ये तीनमध्ये एक जनाभन्दा बढी विदेशी नागरिक भएको पाइएको श्रम आन्दोलनको आर्थिक परिषद्ले गरेको तथ्यले फेला पारेको छ ।
विदेशी कामदारहरूलाई डेनमार्कको श्रम संस्कृति थाहा नहुन सक्ने बताइएको छ । काउन्सिलका विश्लेषण प्रमुख एमिली डम क्लार्स्कोभले कतिपय विदेशीले श्रम कानुनन र संस्कृति थाहा नपाएर पनि काम गर्ने गरेको बताइन् ।
पछिल्लो समय कामका लागि डेनमार्क आउने विदेशीको संख्यामा बृद्धि भइरहेको छ । यसले डेनमार्कको समाजलाई बिस्तारै कमजोर बनाउने जोखिम पनि उत्तिकै रहेको उनको बुझाई छ ।
विदेशी श्रमिकका कारण डेनमार्कमा समस्या आउन थालेकोमा उनले चिन्ता व्यक्त गरिन् । कुनै पनि श्रमिकलाई विभेद गर्न नपाइने उनले बताइन् । सबै अधिकार र उच्च पारिश्रमिक स्तर भएपनि व्यवहारमा त्यस्तो नभएको उनको गुनासो छ ।
मौसमी श्रममा विदेशी श्रमिक धेरै छन् । उनीहरुले कृषि, वन र माछा मार्ने क्षेत्रमा सबैभन्दा काम गर्छन् । यी क्षेत्रमा दुई तिहाइभन्दा बढी कामदार ६६.४ प्रतिशत विदेशी छन् ।
यातायातमा, कम पारिश्रमिक पाउने २० प्रतिशतमध्ये आधाभन्दा बढी ५०.७ प्रतिशत कामदार विदेशी छन् । जबकि समग्र उद्योगमा एक तिहाइ ३०.२ प्रतिशत भन्दा कम हो । सफाइ उद्योगमा पनि त्यस्तै अवस्था थियो, जहाँ सबै उद्योगमा ३०.२ प्रतिशतको तुलनामा सबैभन्दा कम तलब पाउने ४५.३ प्रतिशत विदेशी थिए।
