नेपाली परिवार गेन्ट बेल्जियमको चौथो अधिवेशन भब्यताका साथ सम्पन्न

जनक बराल, गेन्ट बेल्जियम ।
नेपाली परिवार गेन्ट बेल्जियमको चौथो अधिवेशन आज मे २० तारिक ledeberg स्थित सभाहलमा सम्पन्न भएको छ । करिब दुई सय पचास जनाको उपस्थिति रहेको उक्त कार्यक्रममा घनश्याम शर्मा अध्यक्ष रहने गरि २३ सदस्सिय कार्यसमिति सर्बसम्मत रुपमा चयन गरिएको छ । उक्त अधिवेशन बाट उपाध्यक्ष मा जनक राज सुबेदी , महिला उपाध्यक्षमा शारदा अधिकारी, महासचिबमा बिकल अधिकारी, सचिबमा निर्मल केशब सुबेदी तथा कोषाध्यक्षमा कृष्ण पुरी तथा अन्य सदस्य रहने गरि गठन गरिएको छ । कार्यक्रमको बन्दशत्रमा पुरानो (२०२२-२४ ) कार्यसमितिले गरेका काम र प्रगतिबिबरण लाई संस्थाका महासचिब जनक राज सुबेदीले प्रस्तुत गर्नुभएको थियो भने संस्थाको आय ब्यय पनि प्रस्तुत गरिएको थियो । करिब एक बजे बाट सुरु भएको कार्यक्रममा निकै उत्साहजनक उपस्थिती रहेको थियो भने ससाना बाबुनानीहरु द्वारा नेपाली भेषभुषामा सजिएर बिभिन्न नृत्यहरु प्रदर्शन गरिएका थिए । नबनिर्बाचित अध्यक्ष घनश्याम शर्माले गेन्टमा बिस्तारित हुँदै गएको नेपाली समुदाय लाई अझ नयाँ तरिकाले समेट्दै सबैको साथ र सहयोग लिएर गेन्टको नेपाली समाजलाई नमुना बनाउने दिशातर्फ अबको नबनिर्बाचित कार्यसमिति अगाडि बढ्ने प्रतिबद्धता जनाउनु भएको थियो । उक्त कार्यक्रममा संस्थाका निबर्तमान अध्यक्ष अम्बिका गुरुङ्ग, नयाँ कार्यसमिति चयन गर्नको लागि गठन गरिएको अध्यक्ष मण्डलका अध्यक्ष यामु निरौला तथा सदस्यहरु रमेश पौडेल, तिर्थ धमला , बसन्त ढुङ्गाना लगाएत ले नबनिर्बाचित कार्यसमितिलाई बधाई तथा सुभकामना दिनुभएको थियो ।