🇵🇹 पोर्तुगलमा “नागरिकता खोस्ने कानून” पुनः संसदमा फिर्ता

पोर्तुगलको संवैधानिक अदालत (Tribunal Constitucional) ले कानूनका केही प्रावधान असंवैधानिक ठहर गरेपछि, राष्ट्रपति António José Seguro ले “नागरिकता खोस्ने अतिरिक्त सजाय” सम्बन्धी विधेयक पुनः संसदमा फिर्ता पठाउनुभएको छ।

राष्ट्रपति कार्यालयले मंगलबार जारी गरेको आधिकारिक सूचनाअनुसार, संविधानको धारा 279.º, n.º 1 अनुसार Assembleia da República (पोर्तुगल संसद) बाट पारित Decreto n.º 49/XVII पुनर्विचारका लागि फिर्ता गरिएको हो।

उक्त विधेयकले केही गम्भीर अपराधमा दोषी ठहरिएका विदेशी मूलका नागरिकबाट पोर्तुगीज नागरिकता खोस्न सकिने व्यवस्था गर्न खोजेको थियो। तर Tribunal Constitucional ले विधेयकका केही मुख्य धाराहरू संविधानविपरीत रहेको निर्णय गरेपछि राष्ट्रपति ले त्यसलाई संसदमा फिर्ता पठाउनुभएको हो।

यसअघि अदालतले “preventive review” अर्थात् कानून लागू हुनु अघि गरिएको संवैधानिक परीक्षणमै उक्त प्रावधानहरू असंवैधानिक ठहर गरेको थियो। त्यसपछि अब संसदमा पुनः छलफल, संशोधन वा नयाँ राजनीतिक सहमतितर्फ प्रक्रिया अघि बढ्ने देखिएको छ।

यो विषय हाल पोर्तुगलमा आप्रवासन, नागरिकता, सुरक्षा तथा संवैधानिक अधिकार सम्बन्धी सबैभन्दा ठूलो राजनीतिक बहसमध्ये एक बनेको छ।