पोर्चुगल । राष्ट्रिय प्रजातन्त्र पार्टीको शुभेच्छुक संस्था प्रवासी नेपाली एकता समाज पोर्चुगलको नयाँ नेतृत्व चयन भएको छ ।
पोर्चुगलमा सम्पन्न तेस्रो अधिवेशनले रुपक पौडलको अध्यक्षतामा नयाँ कार्यसमिति सर्वसम्मत चयन गरेको हो । समितिको वरिष्ठ उपाध्यक्षमा प्रविण गुरुङ, उपाध्यक्षमा दर्बिन विष्ट, महासचिव बालकृष्ण रिजाल, सचिवमा अपिण रावत, कोषाध्यक्ष महेश सापकोटा निर्वाचित हुनुभएको छ ।
त्यस्तै सदस्यमा अमित श्रेष्ठ, ममता प्रधान, निकेश भट्टराई, विकास भट्टराई, प्रदीप पराजुली, लक्ष्मी कुँवर, अशोक भुजेल, लालमान तामाङ, आशिष तमु निर्वाचित हुनुभएको छ ।
अध्यक्ष संजय कोजुको अध्यक्षता तथा राष्ट्रिय प्रजातन्त्र पार्टीको युवा नेता अंगतप्रसाद देवकोटाको प्रमुख आतिथ्यतामा सम्पन्न अधिवेशनले नयाँ नेतृत्व चयन गरेको हो । प्रवासी नेपाली एकता समाजले पोर्चुगलमा रहेका नेपालीलाई सहयोग गर्ने, भाषण, आसनमा ध्यान नदिने नीति लिएको छ ।
अधिवेशनले पूर्व अध्यक्षहरु लगायतको कार्यसम्पादन समिति पनि गठन गरेको छ ।
