गुल्मी . गुल्मीमा नागरिकता भन्दा पासपोर्ट बनाउने धेरै छन् । गत आर्थिक वर्ष २०७९र८० मा गुल्मीमा नागरिकता बनाउने भन्दा राहदानी बनाउनेको संख्या बढी देखिएको हो ।
जिल्ला प्रशासन कार्यालय गुल्मीका अनुसार गत आर्थिक वर्षमा जिल्लामा नागरिकता बनाउनेको संख्याभन्दा राहदानी बनाउनेको संख्या करिब पाँच हजारभन्दा बढी छ।
गत आवमा वंशज, वैवाहिक र जन्मका आधारमा १० हजार तीन सय ५५ जनाले नागरिकता बनाएका छन् । राहदानी बनाउनेको संख्या १५ हजार ८६ जना छन् ।
कार्यालयका अनुसार जिल्लामा आव २०७८र७९ मा सात हजार चार सय नौ र आव २०७७र७८ मा दुई हजार चार सय २६ र जनाले राहदानी बनाएका छन्।
स्वदेशमा रोजगारीको अभाव भए पनि अधिकांश युवाहरु वैदेशिक रोजगारीमा जाने गरेका छन् । पासपोर्ट बनाएका अधिकांश वैदेशिक रोजगारीमा जाने गरेको पाइएको छ ।
कार्यालयका अनुसार गत आवमा राहदानी बनाएवापत सात करोड ३१ लाख ९० हजार राजस्व सङ्कलन भएको छ। जुन आव २०७८र७९ मा तीन करोड ७१ लाख ६७ हजार हजार पाँच सय थियो।
