काठमाडौं । वैदेशिक रोजगार विभागको ‘अनलाइन’ सेवा अवरुद्ध भएको छ । मर्मत संम्भार गर्नुपर्ने भएकाले सेवामा अवरुद्ध भएको हो ।
विभागको ‘एफइआइएमएस’ प्रणालीको फाइल सर्भर माइग्रेट गर्नुपर्ने भएकाले मङ्गलबारदेखि सेवा अवरुद्ध भएको विभागका सूचना अधिकारी निर्देशक कविराज उप्रेतीले जानकारी दिए।
उनका अनुसार अवरुद्ध भएको अनलाइन सेवा शुक्रबारदेखि सुचारु हुने छ । सो प्रणालीमा ‘फाइनल अपलोड’ हुने अवरुद्ध भएको हो । अहिले अनलाइनबाट श्रम स्वीकृतिका लागि आवेदन दिन नमिल्ने तर, यसअघि अपलोड भएका कागजात हेर्न र परिवर्तन गर्न सकिने विभागले जनाएको छ ।
